خستنەڕوی پشکەکانی ژمارەی پێوانەیی شکاندووە لە میانەی گەورەترین کۆنفرانسی دارایی لەسەر ئاستی رۆژهەڵاتی ناوەڕاست ئاسیاسێڵ گەورەترین خەڵات لە بواری "دارایی کۆمپانیاکان" بەدەست دەهێنێت
سلێمانی، عێراق - کۆمپانیای ئاسیاسێڵ بۆ پەیوەندیەکان (کە هێماکەی "TASC"ە لە بۆرسەی عێراق "سوق العراق للڕوراق المالیە")، وپێشەنگە لە پێشکەشکردنی خزمەتگوزاری کواڵیتی مۆبایل لە عێراق و 10.6 ملیۆن بەشداربوی هەیە، خەڵاتی جیهانی کۆمەڵەی خەزنەدارانی کۆمپانیاکانی رۆژهەڵاتی ناوەڕاست (ACTME)ى بۆ ساڵی 2013ى بەدەست هێنا لە بواری "دارایی کۆمپانیاکان" لە میانەی کۆنفرانسی ساڵانەی (ACTME) کە لە 26 و 27ى تشرینی دووەمی ئەمساڵدا لە دوبەی سازکرا.
کۆمەڵەی خەزنەدارانی کۆمپانیاکانی رۆژهەڵاتی ناوەڕاست (ACTME)، کە دەستەى پێشەنگ وسەرەکی پیشەوەرانی بواری خەزنەداری وداراییە، لە میانەی مەراسیمی چوارەمین کۆنفرانسی ساڵانەی خۆیدا، ناوی ئەو دامەزراوانەی ئاشکراکرد کە خەڵاتەکانی ساڵی 2013 یان بردەوە.
ئەم گردبونەوە گرنگە کە تایبەتە بە خەزنەدارنی ناوچەکە 400 شاندی پێکەوە لە کۆنفرانسەکەدا کۆکردەوە، لەناویاندا پیشەوەرانى شارەزا وئەوانەش کە ئێستا قوتابین لەو بوارەدا بەمەبەستی بەشداری پێکردنی زانیاریەکانیان وپیرۆزباییکردن لە رێکخراوە براوەکان.
لە کاتی بەڕێوەچونی مەراسیمی خەڵاتەکە، دکتۆر دیار ئەحمەد، راوێژکاری باڵای سەرۆکی ئەنجومەنى بەڕێوەبردن وبەڕێوەبەری جێبەجێکاری پێشوى ئاسیاسێڵ، خەڵاتى "دارایی کۆمپانیاکان"ى پێشکەشکرا لە ئەنجامى لیستکردنی کۆمپانیای ئاسیاسێل لە ناو بۆرسەی عێراقى (سوق العراق للڕوراق المالیە)دا لە سەرەتای ساڵی 2013ەوە. خستنەڕووی پشکەکان (IPO) ى ئاسیاسێڵ گەورەترین پرۆسەی خستنەڕووبوە لە مێژوى عێراقدا، کە ئەمەش بوەی هۆی دووهێندکردنی بازاڕی ئاڵوگۆڕی دراو (بۆرسەی عێراقی) لە ووڵاتدا. سەرمایەگوزاران بەپەرۆشەوە ودەستبەجێ کەوتنە کڕینی پشکەکان.
فاروقی مەلا مستەفا ، سەرۆکی ئەنجومەنی بەڕێوەبردنی کۆمپانیای ئاسیاسێڵ لە بارەی ئەم خەڵاتکردنەوە ووتی، "ئەم خەڵاتە تەقدیرکردنێکی گرنگى خستنەڕووی پشکەکانی ئاسیاسێڵە. خستنەڕووى پشکەکانی ئاسیاسێڵ زیاد لە لایەنێکی هەیە. هەر تەنها سەرمایەی بازاڕی بۆرسەی عێراقی (سوق العراق للڕوراق المالیە)ى دووهێند نەکردوە، تەنها جموجوڵی بازرگانی بەهێزنەکردوە، بەڵکو سەرنجی سەرمایەگوزارانی جیهانی بەلای عێراق وکەرتی پەیوەندیەکانى ئەو وڵاتەدا راکێشاوە، کە کەرتێکە چاوەڕێى ئایندەیەکی باشی لێدەکرێت. سوپاسی تیمی (ACTME) و دادوەران دەکەین بۆ ئەم دانپیانانە، وبەهیواین بەردەوام بین لە کارەکانمان بۆ دابینکردنی بەرهەم وخزمەتگوزاری بە بەکارهێنانی تازەترین تەکنۆلۆژیا وتۆڕی کواڵیتی مۆبایل بۆ بەشداربوەکانمان."
هەروەها ووتى، "ئاسیاسێڵ لە رابردودا خەڵاتی بەنرخی وەرگرتوە لە بوارە جیاجیاکاندا، وخەڵاتی ئەمجارە بەها دەبەخشێتە ئامانجەکەما وهانمان دەدات هەرچی لە تواناماندا هەیە بیکەین لە کارەکەماندا. وەکو وەبیرهێنانەوەیەک بۆ دەستکەوتەکانی رابردو، لە 23ى نیسانی 2013 ئاسیاسێڵ ، خەڵاتی گەورەترین سەودای لە بازاڕی پشکە داراییەکاندا پیبەخشرا لەمیانەی کۆنفرانسی "TMT Finance " کە لە دوبەی سازکرابو وتایبەت بو بە خۆرهەڵاتی ناوەڕاست وباکوری ئەفریقیا. ئەم خەڵاتەی لە ئەنجامی خستنەڕووی پشکەکانی وەرگرت، کە بە گەورەترین خستنەڕووی پشک تۆمارکراوە لە ساڵی 2008ەوە لە خۆرهەڵاتی ناوەڕاست وباکوری ئەفریقیا ئەنجامدرابێت. ئەمەش هەنگاوێک بو تەنها وەکو دەستکەوتێک بۆ ئاسیاسێڵ ئەژمارنەکرا، بەڵکو وەکو دەستکەوتێک بۆ بازاڕی سەرمایەش لە عێراق بەگشتی".
فاروقی مەلا مستەفا راشیگەیاند "مایەی خۆشحاڵیمە کە ئەم خەڵاتە پێشکەش بە تیمی ئاسیاسێڵ بکەم کە کاری خستنەڕووی پشکەکانیان مومکین کرد وبەهۆیەوە ئاسیاسێڵ چەندین خەڵاتی بردەوە. ئەو تیمە کاتێکی زۆریان تەرخانکردوە، هەوڵێکی زۆیان خستوەتەگەڕ و داهێنانیان لە کاراکانیاندا کردوە بۆ زاڵبون بەسەر چەندین ئاستەنگ بۆ خاتری ئەنجامدانی کارەکانیان بەشێوەیەکی باش."
